全港18區街坊發掘街市靚仔 唔止荃灣豬肉佬 賣菜賣魚都有!

最近爆紅的荃灣楊屋道街市「靚仔豬肉佬」阿威,吸引不少人慕名幫襯,令其檔口客似雲來,又獲一眾粉絲為他開設Facebook群組「荃灣鮮肉AK應援團」,大晒與阿威的合照。不過阿威似乎有「勁敵」,近日有很多街坊在網上「報料」各區街市都有靚仔,唔止賣豬肉,連賣菜、海鮮檔等都有!睇嚟以後唔使餐餐食豬肉了!


圖片來源:Lam Tracy@FB


菜檔小鮮肉有禮貌

未知是否受阿威影響,大家現在去街市,都金睛火眼留意一下有無靚仔店員。近日在多個社交平台的群組,都有街坊分享各區街市的靚仔店員。有網民在「黃大仙區友」群組貼出照片,留言「阿媽分享:牛池灣街市菜檔哥仔都唔差」。從圖可見,該菜檔男子身穿黑色背心,皮膚白皙,一頭啡色齊瀏海,眼大有神,吸引一眾網民留言大讚「小鮮肉」、「真係唔差」、「對眼好靚」等。亦有多名街坊認得該店員,表示他有禮,「佢唔止靚仔,仲非常之有禮貌。」、「呢個哥仔好有禮貌!」結果引來這位「靚仔小鮮肉」現身,回覆表示「多謝大家」。


圖片來源:Maggie Cheung@FB


魚檔紋身猛男

除了黃大仙區,前港姐冠軍陳庭欣亦在IG分享,指荃灣街市仲有另一名靚仔,她寫道:「據知情人士報料,除咗豬肉檔,有檔賣海鮮嘅都好『值得』去幫襯。」並貼出兩張照片,表示過兩日會親自去證實一下。雖然照片只見側面和背面,未能清楚看到樣貌,但這位海鮮檔店員與阿威一樣手臂有紋身,穿上一件貼身背心,用強勁的麒麟臂舉起魚檔巨桶,身材確實吸睛。有網民更形容「猶如漆黑中嘅螢火蟲一樣咁鮮明,咁出眾。」亦有人向陳庭欣求該男子正面照。


圖片來源:toby_yanyan@IG

圖片來源:toby_yanyan@IG


屯門海鮮Tyson Yoshi

另外,「元朗生活誌」專頁亦分享了一名位於屯門新墟街市的「屯門海鮮Tyson Yoshi」,寫道:「肉粉唔洗(使)去荃灣咁遠,屯門都有新貨到!」從相中可見,該海鮮檔店員身材高大,一頭俐落短髮。有網民認為相比起Tyson Yoshi,他更似周柏豪,又有人指是「屯門古天樂」。


圖片來源:元朗生活誌@FB


對於近日街市出現這麼多型男靚仔,網民反應都非常熱烈,有人認為有助促進本地經濟,家庭主婦買餸亦更開心,一舉兩得。亦有人提議電視台舉辦選舉,讓一眾街坊大飽眼福。

上載 2022-05-10 16:54:45 觀看